كورونا وآثارها على القلب:
بقلم الدكتور أحمد مصباح طه
استشاري القلب و القسطرة
هكلمكو النهاردة شوية عن الكورونا
بس مش هتكلم الكلام المعتاد اللي كله بيقوله
هوضح شوية نقط من ناحية القلب
لوحظ ان فيروس الكورونا ممكن يعمل التهاب في جدار القلب من الداخل و الالتهاب ده ممكن يرفع انزيمات القلب و يعمل تغيير في رسم القلب مشابه للجلطة تماما
و في الحالة دي بيتم التعامل معاه على انه مريض جلطة و ممكم يعمل قسطرة تشخيصية على السرايين التاجية لاستبعاد وجود جلطة لا سمح الله
و اذا كانت الشرايين سليمة المريض بيمشي على علاج للسيولة و مضادات الالتهاب حتى يتماثل للشفاء بإذن الله
الكلام ده بيحصل في النصف الايسر من القلب
طيب و النصف الايمن بقى
النصف الايمن ده المسؤول عن الدورة الدموية للرئتين و ده بيجمع الدم من النصف السفلي للجسم عن طريق الكبد و دورته الدموية و النصف العلوي للجسم عن طريق الرقبة و الدم ده بيكون كله رايح للرئة عشان يتم تنقيته و نزع ثاني اكسيد الكربون منه و استبداله بالاكسجين لتغذية جميع خلايا الجسم
فيروس الكورونا بيكون ليه تأثير سيء جدا بتكوين جلطات في شرايين الرئة اللي رايحة تفلتر الدم ده و بالتالي يبتدي يحس المريض بالام في الصدر و صعوبة في التنفس
قد تؤدي الي الوفاة على حسب درجة الانسداد
و لذلك نصح الاطباء مؤخرا بضرورة اخد ادوية للسيولة تساعد على ذوبان هذه التجلطات و خصوصا في المرضى الذين يعانون من صعوبة التنفس
و كمان ينصح بتناول كميات كبيرة من السوائل حتى تساعد على ترطيب الدم و مساعدة ادوية السيولة على اداء وظيفتها
حفظ الله مصر و المصريين
دمتم سالمين