كتبت: إسراء عماد

احتفلت اليوم الخميس، الفنانة «شيرين عبد الوهاب»، بالذكرى ميلادها الأربعين، فوجهت مجموعة رسائل في عدة تغريدات على موقع التغريدات القصيرة «تويتر»، لوالدتها وزوجها وابنتيها وجمهورها، فغردت : “كل سنة وأنتم عيدي، دعاء أمي ليا كان محبتكم، ورضا ربنا عليا محبة الناس، ديمها عليا يارب، السنة دي أول مرة بيجي عليا يوم ميلادي وألاقي نفسي بضحك وسعيدة”.

ووجهت رسالة لزوجها الفنان «حسام حبيب»، وبناتها قالت فيها: “على المستوى الشخصي أنا سعيدة جدًا بأحسن زوج في الدنيا؛ لأنه جوزي وأخويا وصديقي وابني، وسعيدة ببناتي وعيلتي ربنا يباركلي فيهم، وكل جمهوري في الوطن العربي كله اللي بيخليني أحس أن كل البلاد بلدي”.

كما وجهت رسالة لزملائها الفنانين فقالت: “سعيدة بنجاحي ونجاح زمايلي وزميلاتي علشان احنا بنسعد الناس بشغلنا، وأتمنى يبقوا بصحة كويسة، وبشكر كل إنسان ساعدني في حياتي علشان أوصل للي أنا فيه دلوقتي”، وكتبت تغريدة أخرى قالت فيها: “كل سنة كان بيكون اليوم ده بالنسبالي يوم حساب، أنا عملت إيه ومعملتش إيه، وكان لازم أعمل إيه، لكن السنة دي حاسة إن فيه حاجة مختلفة وأهدافي اختلفت”، وأضافت: “سعيدة وبضحك علشان ببص على كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمد لله نجحت في كل حاجة عملتها وربنا كان توفيقه كبير”.