كتبت : إسراء عماد

حل الفنان أحمد زاهر، ضيفًا مع الإعلامية إسعاد يونس، في صاحبة السعادة، على شاشة DMC،  وتحدث عن مشواره الفني الذي بدأه بكلمتين في مشهد واحد فقط مع الراحل وائلنور، في مسلسل ذئاب الجبل وقال: “صوروني من قفاية وكانت الصورة سودة”، ثم ظهر بعد ذلك في مسلسل الرجل الآخر، مع الفنان الراحل نور الشريف، الذي لعب فيه دور ابنه، وأعرب عن سعادته بدوره في مسلسل حديث الصباح والمساء، إذ لعب دور عم الفنانة منة شلبي.

وعن التحضير لمسلسلات رمضان، تحدث عن دوره في مسلسل “البرنس” الذي شارك فيه مع الفنانة روجينا، ومحمد رمضان، وقال: “رشحني محمد سامي لتجسيد دور فتحي في المسلسل، ومحمد سامي بيحب يشارك الممثلين في العمل بكل تفاصيله، فكان كل مايكتب حلقة لازم يكلمنا كلنا، وكان بيقعد مع كل ممثل لواحده عشان يتناقش معاه ويعرف رأيه ووجهة نظره، ويساعده يتقمص الشخصية”.

وتابع: “رفضت دور فتحي، وقلتله مش قادر أعمل المشهد اللي بسيب فيه بنت الفنان محمد رمضان في موقف الميكروباصات، قالي المسلسل كله مش هينفع من غير المشهد ده ووافقت
أعمل الدور”.

وبخصوص استعداده لهذا المشهد قال: “بدأت استرجع في ذاكرتي كل واحد أذاني، وخدت من كل واحد أذاني حاجة، ولما جمعتهم ساعدوني اتقمص الشخصية”، وأضاف: “لما باجي أعمل دور شرير مبحبش الشر المطلق عشان محدش هيإذي حد من غير سبب..مفيش حد كده، وكان أصعب مشهد تعبت في حفظه المشهد اللي اتكلمت فيه عن دور كرهي لرضوان، المشهد كان طويل جدا.. مدة عرضه كان 11 دقيقة على الشاشة وكنت بتكلم فيه لواحدي.. وكلام كتير لازم أحفظه ومشاعر معينة لازم أوصلها للجمهور”، وعن أول مرة يدخل فيها لموقع التدوينات القصيرة “تويتر”، قال: “عمري ما دخلت تويتر، خالص، لقيت محمد سامي بيكلمني وبيقولي افتح تويتر، يا بيه وشوف النجاح اللي انت عملته”.

وعن دوره في مسلسل الطوفان، قال: “كانت شخصيتي جميلة لحد ما رفضت أشارك في قتل أمي وسيبتهم ومشيت، وطبعا ده أكبر غلط.. فاتحولت من شخص في منتهى الجمال واللذاذة لحد كئيب كآبة السنين”، ووصفته إسعاد، بأن وجهه “baby face”، وسألته كيف يوصل كل مشاعر الشر التي تظهر على ملامحه رغم ضحكته البراءة فقال: “تقمص الشخصية بيساعدني أعمل كده ولو ثبت على طبيعتي مش هقدر أقدم حاجة جديدة للجمهور”.