كتبت: رضوى محسن

قام الفنان أحمد فهمى اليوم بإثارة الجدل بعد التصريحات المسيئة لنجم نادي الزمالك شيكابالا، الذي تعرض لحملة انتقادات كبيرة من جمهور النادي الأهلي عقب انتهاء مباراة نهائي بطولة أفريقيا التي توج بها المارد الأحمر بثنائي مقابل هدف.

بالإضافة انتقد عدد من النجوم موقف الفنان أحمد فهمي وكتب مصطفى حجاج تعليقًا على تصريح فهمي بخصوص شيكابالا، قائلا: “مش صح الأسلوب ده يا أحمد أنت فنان كبير، وبعدين مفيش حد أسياد على حد دى كورة مكسب وخسارة على الجميع، وشيكابالا لاعب محترم، أنا أهلاوي، بس زى ما الأهلي بيكسب، الزمالك برده بيكسب”.

رسالة أحمد فهمي جاءت ردا على منشور منسوب لشيكابالا، قال فيها: “أنا بسحب أي كلمة قلتها عنك فعلًا، الستوري بتاعته حالا، حاجة تقرف، واللي مش عاجبه يشيلني من عنده، الأهلي وجمهوره أسيادك، وبعدين عيب تبقي ابن النادي الأهلي وماضي له قبل كده وتعمل كده، فك كدة ماتبقاش نفسيتك أفشة يا نبطشي”.

من جهة أخرى دافعت الفنانة هنا الزاهد عن زوجها الفنان أحمد فهمي بعد الهجوم عليه؛  بسبب خلافاته مع لاعب نادي الزمالك محمود شيكابالا، عقب مباراة القمة بين نادي الأهلي ونادي الزمالك.

وعلقت هنا الزاهد برسالة طويلة عبر حسابها الشخصي بموقع التواصل الاجتماعي فيسبوك: “بعيدا ان شهادتي في مجروحة لان الناس هتقول بتقول الكلام ده عشان جوزها. انا لا بفهم في الكورة و لا بتفرج عليها بس بشوف قد ايه الانسان ده بيحب يكون عفوي و بينسى انه ممثل و بيتعامل مع كل الناس بكل ذوق حتى في الشارع و في التصوير و في كل مكان و الناس اللي عرفاه عارفين ده كويس. انا عارفة انو الناس بتفضل تقول لا ده ممثل مينفعش يقول رأيه. بس للاسف الانسان ده بينسى و بيخسر من كتر م هو اللي ف قلبه على لسانه و مش بيحب ينافق و لا بيرضي حد عشان يكسب جمهور زي م ناس كتير بتعمل كده”.

وأضافت: “لما بيكتب رأيه بيكتبوا على اكونت فيس بوك اللي في صحابه زيه زي اي حد اهلاوي بس للاسف بتطلع اخبار بالكلام اللي بيقولوا عموما انا عايزة اقولك انك قلبك طيب و عفوي بزيادة و بتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف . و اعمل اللي يريحك لانك انسان و احنا كده كده بنحبك جدا”.

وأثار الفنان أحمد فهمى حالة من الجدل الواسع بعد تجدد أزمته مع لاعب نادى الزمالك شيكابالا، وذلك على خلفية أحداث مباراة النادى الأهلى والزمالك التى جمعت بينهما أول أمس بدورى أبطال إفريقيا والتى فاز بها النادى الأهلى ليحصد النجمة التاسعة فى تاريخه.

من المعروف أن البداية الخلاف بين الفنان أحمد فهمى وشيكابالا عندما قدم أحمد فهمي اعتذارا عبر حسابه على موقع التواصل الاجتماعى إنستجرام موجها رسالته الى شيكابالا وذلك بعد الصورة التى تم تداولها عبر مواقع السوشيال ميديا، والتى تعد إهانة للاعب الزمالك، والتى يرفع فيها جماهير الأهلى كلبا وينادون عليه باسم لاعب الزمالك، وهو الأمر الذى اعتبره فهمى أمرا غير مقبول رغم الخلاف القديم الذى يجمعهما سويا.

وقرر أحمد فهمى الخروج عن صمته والتعليق على هذه الحالة قائلا: “رغم خلافى معاه الشديد و مفيش صلح من بعيد ولا قريب بينى و بينه لكن موضوع الكلب و الفيديو دا حاجة عنصرية جدا الصراحة و منظر بشع .. احنا جمهور كبير و محترم و بنقول على الغلط غلط حتى لو طالع من عندنا .. الاعتذار عن اللقطة دى واجب ..بعتذرلك … لكن موقفى منك لن يتغير”.