كتبت: إسراء عماد

وجه الفنان «وليد فواز»، رسالة إلى رفيق رحلته «محمد رمضان»، كما وصفه، عبر حسابه على موقع تبادل الصور والفيديوهات «إنستجرام»، نصحه فيها بالاعتذار عما حدث، بخصوص صوره مع بعض الإسرائليين، مشيرًا إلى أن هذا الاعتذار لا يقلل من شأنه.

ونشر الفنان «فواز»، عبر صفحته الرسمية، على موقع تبادل الصور والفيديوهات «إنستجرام»، صورة ل«رمضان»، من البدايات، وعلق قائلًا:  “محمد ازيك، فعلا واحشني.. محمد رمضان الطموح الموهوب، اللي قابلته في بداية الطريق.. محمد اللي لما عمل أحكي يا شهرزاد، قابلني في موقف الإسعاف وقالي فواز أنا نازل أشوف صورتي على الأفيش.. احنا هنبقى نجوم جامدين يا له.. بس أنت الأجمد دلوقتي”.

وتابع «فواز» : “واحشني محمد اللي كان بيجي يتفرج عليا في مسرح الشباب، ويبدد بحماسه وطاقته التي لا تنضب بالأمل أي شعور بالإحباط عند أي حد بيشوفه.. محمد اللي واحشني هو محمد اللي في الصورة دي.. أنا حابب أحط الصورة دي أكتر من أي صورة تانية ليك دلوقتي.. لو الناس كلها قالت أنك اتغيرت ميخصنيش لأني عارف أنت مين، وقد ايه كنت جدع معايا.. محمد اللي أنت وصلتله ولسه هتوصله كمان فعلا تستاهله لأنك مميز، وقبولك رباني.. بس اسمحلي يا صاحبي العنيد، واللي أعرف عنه من زمان أن دماغه أنشف من الحجر، ولا يسمع إلا عقله فقط”.

وأضاف: “«أطلب منك أن تعيد النظر في اللي بيحصل عشان خاطر جمهورك الحقيقي، الناس البسيطة والتي نصبتك ملكا متوجا على قلوبهم.. الناس اللي شافت فيك الأمل، بص من منظارهم للحكاية.. بعيدا عن أي مزايدات فيه خطأ حصل واللي حصل حصل وخلاص، وأنت كبير وناضج وأب ورب أسرة، وعارف ايه الصح وايه الغلط.. لكن يا صاحبي الاعتذار من شيم الرجال ولا يقلل منك أبدا”.

واختتم : “فكر يا محمد عشان خاطر جمهورك الكبير وموهبتك، محبش أشوف واحد بحبه بجد يدفع تمن فاتورة كبيرة قوي هي أصلا مش بتاعته.. محمد أنت ذكي جدا، وهتعرف تقعد مع نفسك، وتحط إيدك على الصح.. ربنا يعديك من المحنة دي على خير”.

وتعرض «محمد رمضان»، لهجوم لاذع، واتهامات بالتطبيع من قِبَل الجمهور، منذ أول أمس، بعد انتشار صور تجمعه بثلاث شخصيات إسرائيلية، وحاول «رمضان»، في الساعات الماضية، تدارك الموقف بنشره صورة العلم الفلسطيني، كغلاف لصفحته الشخصية على موقع التواصل الاجتماعي «فيسبوك»، إلا أن تغيير الصورة لم تغير من رأي الجمهور، بل زادت حدة النقد عليه، خاصةً أنه لم يقدم اعتذارًا حتى الآن.