كتبت: إسراء عماد

نشر مطرب المهرجانات «حمو بيكا»، عبر حسابه، على موقع تبادل الصور والفيديوهات «إنستجرام»، فيديو يعبر من خلاله عن غضبه من مطرب المهرجانات «حسن شاكوش»، وبدأ في أول المقطع بالتلميح عليه بسبب عدم ذكر اسمه، أثناء تحدثه عن المهرجانات الأكثر بحثًا، لعام 2020، ناسبًا النجاح له فقط، دون ذكر أسماء المشاركين في العمل معه مثل «حمو بيكا، وعمر كمال».

وقال «بيكا»:  “بدون ذكر أسماء غير الناس الجدعة، في سنة 2020، تم البحث على جوجل لأكثر أغاني متداولة، منها «عود البطل»، عمر كمال، و«بنت الجيران»، عمر كمال، و«شمس المجرة»، عمر كمال وحمو بيكا، وأنا بيكا لوف ماي فانز حمو بيكا”.

وتابع «بيكا»:  “لما تيجي تطلع تتكلم على الناس واحنا واكلين عيش وملح مع بعض، ومن قبل أي حاجة إحنا اخوات، بس لما تيجي تقول النجاح لازم تحدد النجاح مين اللي عمله معاك، انت ظاهر للشعب المصري إنك أناني، وبتحب النجومية لنفسك وبس، خليك محترم وكويس”.

واستطرد «بيكا»: “أخونا عمر كمال لما سمع عن النجاح كتب إحنا نجحنا، محددش مين، فأنت أساسا حياتك كلها غلط، عاوز تحقق نجاحاتك لوحدك، وريني نجاح لوحدك، هتعرف تطلع بيه ازاي، لما بشتغل بيبقى نجاحي ليا، ومع فرقتي مش لوحدي”، وأنهى «بيكا»، الفيديو قائلًا:  “هي دي المعلومة اللي كنت عاوز أقولها للناس، بعد كده أي حد هيقول كلمة مش على مزاجي أنا مش هسكت”.

يذكر أن قضت محكمة «جنح الدخيلة الاقتصادية»، بالإسكندرية، في نوفمبر الماضي، بحبس مطرب المهرجانات «حمو بيكا»، لمدة عامين مع الشغل، وتغريمه 200 ألف جنيه، بعد اتهامه بسب وقذف الفنان «هاني شاكر»، نقيب المهن الموسيقية، وعدد من الموظفين العاملين بالنقابة.

وعلق «بيكا»، بعد صدور الحكم، على حسابه الرسمي، عبر موقع تبادل الصور والفيديوهات الشهير «إنستجرام»، قائلا:  “رميت حمولي على ربنا”، واستمعت النيابة، لأقوال المدعو «محمد محمود مصطفى سيد أحمد»، وشهرته «حمو بيكا»، الذي حضر رفقة محاميه إلى مقر نيابة الدخيلة غربي الإسكندرية.