كتبت: سمر جمعة

حل الفنان ” أحمد العوضي ” ضيفا على الإعلامية ” منى الشاذلي ” في برنامجها ” معكم منى الشاذلي ” المذاع على قناة ” سى بى سى” وإثناء الحوار تحدث ” العوضي” عن بداية علاقته مع الفنانة “ياسمين عبد العزيز ” .

قائلا:” بدأت العلاقة منذ ترشيحي فى مسلسل ” لأخر نفس “، وكنت قولت قبل كده في بعض التصريحات أنى مش هعمل دور ضابط تانى وكلمني لؤى ادهم وقال لي إن في عمل مع الفنانة “ياسمين عبد العزيز”، ولكن هتقوم بدور ضابط وافقت فورا ؛ لان كان نفسي اشتغل معاها جدا وكنت بحبها جدا كفنانة ونفس أشارك في أي عمل معاها و جاتلي الفرصة “.

وتابع حديثة :” أول يوم لينا حصل خلاف بسيط بهزار، وبعد ما روحت البيت كان كل تفكري أنى عايز اعمل المسلسل وخلاص و تانى مرة في البروفا قعدت جنبي واتكلمنا وضحكت “.

ووصف “العوضي ” معاملة ياسمين منذ أول لقاء وضحكتها قائلا: “قعدنا نتكلم فضحكت يبقى قلبها مال” .

وأضاف ” العوضي “:  أن السبب وراء إخفاء علاقة الحب التي جمعته بالفنانة ياسمين عبد العزيز قائلا :” احنا كنا لسه منعرفش هتنتهى بأية و مكنتش حابب تبقى محسوبة علينا وبعد خلافات بينا كنا كل مرة نرجع لبعض أتأكدنا إننا بنحب بعض وتجوزنا، ولكن معاد زواجنا مش من شهر 5 زى ما بعض المواقع أعلنت، ولكن متجوزين قبلها بفترة “.

وأوضح حقيقة صور العيد ميلاد قائلا:” كنا متجوزين ومكنش حد يعرف وكنت متفق مع ياسمين وكنا مبسوطين بالقرار ده وقولنا هنعلن الموضوع في شهر رمضان عشان مفيش حاجة تعطلنا، وعشان نركز في شغلنا وفى رمضان بعد عرض مسلسلي «الاختيار»، ومسلسلها «نحب تانى ليه» ونجاحنا وكسرنا الدنيا قولنا نخلى الفرحة فرحتين وأعلنا خبر زواجنا “.