كتب: شادي رمضونا

صرح الفنان الكبير أحمد فهمي، تفاصيل جديدة عن المشاجرة التي حدثت بينه وبين محمود عبد الرازق “شيكابالا” لاعب نادي الزمالك، خلال حفل زفاف شريف منير حسن عضو مجلس إدارة الزمالك السابق.

وأشار أحمد فهمي في تصريحات تلفزيونية عبر برنامج الحكاية الذي يقدمه عمرو أديب: “شيكابالا لو كان شتمني كنت عدتها، لكنه غلط في الأهلي وجماهيره وأي حد بيشجع الأهلي.. أنا كابو أهلاوي وقبل ما أكون ممثل أنا مشجع أهلاوي أصبح ممثل”.

وأردف: “شيكابالا كلمني وهو بيلعب في البرتغال، وقالي عاوز أرجع علي الاهلي وطلب اني اتوسطله وفيه شهود بكدا، بس القريبين ليا وللأهلي قالوا ميليقش بينا”.

وأضاف: “وأنا في الفرح روحت أسلم عليه، فسلم عليا وقال أنا كنت أقدر أعمل اللي انت عملته بس مرضتش، قلت له ايه اللي عملته يا شيكا، قال انت عارف، قلت له انت غلطت في اللي يخصني، قال مين يخصك؟ النادي الأهلي؟ طب كذا وكذا وكذا وفضل يسب في النادي”.

وأكد: “رديت الشتيمة في وشه، وشتمته جامد أوي لدرجة إنه اتصدم، الحمد لله أن كريم فهمى جه متأخر.. الدنيا ماكنتش هتتلم وشيكا كان هيتهان كرامته  أكتر”.

وأختتم حديثه قائلاً: “حازم إمام أخدني على جنب، وقال لي متزعلش يا فهمي.. بالنسبالي دي كبيرة عندي أوي أنه يقول كده، نادي الزمالك كله مدرسة ورموز  كبار”.