كتبت : إسراء عماد 

حاول الفنان «تامر حسني»، منذ قليل، إنهاء خلافه مع زوجته مصممة الأزياء المغربية «بسمة بوسيل»، ووجه لها رسالة عتاب، بعدما أعلنتخبر انفصالهما، على «السوشيال ميديا»، وكتب «تامر حسني»، عبر خاصية «ستوري»، على موقع تبادل الصور والفيديوهات «إنستجرام» : “بسمة حبيبتي للأسف انتي مفكرتيش كويس، وسلمتي ودنك لشر السوشيال ميديا، عشان كان تعليق كلامهم فارغ نسَوكي إنك عرفتيني، وأنا مشهور ودي طبيعة شغلي اللي عرفتيني عليها، وحبيتتيني بيها، أزاي وصلوكي للزعل والبعد فترة.. المهم أنا مش هزعل منك ولا يرضيني زعلك انتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير”.

وتابع:  “ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، ايه علاقة الناس بعلاقة شخصية بين اتنين ممكن تتحل في التليفون، أو في زيارة رحيمة ما بينهم، وياريتها مشكلة أصلا.. ربنا جعل ما بينا مودة ورحمة عشان كدا للأسف انتي عرفتي إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة إنك تسمعيهم، ياريتك تركزي مع طاقة الناس اللي دعولنا ودعوا لولادنا وفغلا أنا بشكر كل الناس والفنانين اللي سعوا في الخير لينا.. متهورة بس بحبك”.

وقد أعلنت «بسمة بوسيل»، خبر انفصالها عن «تامر حسني»، وطلبت من الجمهور مراعاة مشاعرهما، وعدم إرسال أي فيديوهات لهما، أثناء تحضيرهما لإجراءات الانفصال، وحاول عدد من نجوم الفن التدخل لحل الأزمة بينهما، فنصحت الفنانة «أحلام»، «تامر حسني»، بمصالحتها، وعدم الاستماع لأحد.