كتبت : إسراء عماد

نشرت الفنانة «هنا الزاهد»، أول رسالة تضامنت مع زوجها الفنان «أحمد فهمي»، بعد الهجوم الكبير الذي تعرض له؛  بسبب مهاجمته للاعب فريق الزمالك «محمود عبد الرازق شيكابالا، أثناء وبعد مباراة الأهلي والزمالك، في نهائي دوري أبطال إفريقيا، وقالت «هنا»، خلال منشور لها، عبر حسابها على موقع التواصل الاجتماعي «فيسبوك»:  “بعيدا ان شهادتي فيه مجروحة؛  لأن الناس هتقول بقول الكلام ده عشان جوزها، انا لا بفهم في الكورة، ولا بتفرج عليها، بس بشوف قد ايه الانسان ده بيحب يكون عفوي، وبينسى أنه ممثل وبيتعامل مع كل الناس بكل ذوق، حتى في الشارع، وفي التصوير وفي كل مكان، والناس اللي عرفاه عرفين ده كويس”.

وأضافت «هنا»:  “أنا عارفة أن الناس بتفضل تقول لا ده ممثل مينفعش يقول رأيه، بس للأسف الانسان ده بينسى وبيخسر من كتر ما هو اللي في قلبه على لسانه، ومش بيحب ينافق ولا بيرضى حد عشان يكسب جمهور، زي ما ناس كتير بتعمل كده”.

واختتمت:  “لما بيكتب رأيه، بيكتبوا على اكونت فيسبوك اللي فيه صحابه زيه زي أي حد أهلاوي بس، للأسف بتطلع أخبار بالكلام اللي بيقولوا ، عموما انا عايزة اقولك انك قلبك طيب، وعفوي بزيادة وبتقول اللي جواك من غير متحسبها، عشان بتنسى انك ممثل أصلا، بس الأيام دي مينفعش تبقى كده للأسف، وأعمل اللي يريحك لأنك إنسان واحنا كده كده بنحبك جدا Ahmad Fahmy”.