كتبت : إسراء عماد

وجهت الإعلامية «ريهام سعيد»، لجمهورها رسالة قاسية، عبر حسابها، على موقع الصور والفيديوهات الشهير «إنستجرام»، بعد الهجوم عليها بسبب لبسها ووزنها الزائد، وعلقت: “اللي بيقولوا اتغيرتي، دي أنا وطول عمري بسيطة، وشايفة إن لو الحاجة مش مبتذلة تبقى شيك، وكل واحد حر، الصورة الثانية دي من أربع سنين، وموجودة على كل المواقع، وبتنزل في كل الأخبار، ايه الفرق، ذراعي هو ذراعي، والله بس تخنت عشرة كيلو”.

وتابعت:  ” للعالم المريضة ركزوا في حياتكم يا ملائكة وارحمونا من أحكامكم وآراءكم اللي مالهاش أي قيمة.. ولا انتوا ملائكة ولا ليكوا الحق في الحكم على الناس، الكلام ده للقلة القليلة المريضة اللى جواها غضب، بتطلعه على بروفايلات الناس المشاهير”.

واستطردت:  “مش فاهمة فكرة إنك تتابع واحد عشان تنتقده، انت مالك.. دي أنا بسيطة وحرة وشيك، وعمري ما كنت حاجة غير كده، ودي طبيعتي اللى مصدوم أكيد مش هاروح البرنامج كده، لأن ماينفعش الواحد يروح البنك لو موظف بشورت.. الدليل على إنكوا ولا بتفهموا في الدين، ولا تعرفوه إن الدين قال ان الكلمة الطيبة صدقة، انتوا وصل بيكوا التنمر انكوا بتحكموا مين داخل الجنة، ومين داخل النار”.

واختتمت:  “وإن تقل خيرا أو لتصمت، ارحمونا بقى من العقد، ومن قلة الأدب.. ناس بتبان في منتهى التقوى من ناحية المظهر، وهي منحرفة انحراف رهيب.. لما مايعجبكش حد أبعد عنه وادعيله بالهداية مع إن مجرد انك تحكم على حد وعلى علاقته بربنا انت إلى  محتاج ندعي لك بالهداية”.