“أحمد زاهر” و”أسرته” يكشفون كواليس أعمال بناته ويتحدثون عن علاقتهم الأسرية

» أخبار الفن » “أحمد زاهر” و”أسرته” يكشفون كواليس أعمال بناته ويتحدثون عن علاقتهم الأسرية

شبكة يو دبليو إن الإخبارية

: 6 أكتوبر 2020
: أخبار الفن
: لا يوجد تعليقات

“أحمد زاهر” و”أسرته” يكشفون كواليس أعمال بناته ويتحدثون عن علاقتهم الأسرية

كتبت : إسراء عماد

حل الفنان أحمد زاهر، وزوجته هدى زاهر، وبناته ملك زاهر، ليلى زاهر، منى زاهر، نور زاهر، ضيوف مع الإعلامية إسعاد يونس، في صاحبة السعادة، على شاشة DMC، وتحدثو عن علاقتهم الأسرية، وكذلك مشوار ملك وليلى الفني وبداية ظهورهم.

وأوضح أحمد زاهر، أن أكبرهم ليلى، ثم ملك، ثم منى، ثم نور، وقال: “كان نفسي في ولد أسميه يوسف، وساعتها كنت بصور مسلسل حكاية حياة، وهدى كانت حامل، ورجعت بتقولي انها حامل في بنت فضحكت وقلتلها رجعيها تاني، واحنا في التصوير محمد سامي قالي هخلي اسمك يوسف في المسلسل طالما كان نفسك تسمي ابنك الاسم ده”.

وعن أول ظهور لملك وليلى أوضح أن أول ظهور لهما كان في فيلم كابتن هيما، ثم عمر وسلمى، وقال: “خدت قرار انهم يتوقفو عن التمثيل لحد ما يخلصوا جامعة، عشان عندي رأي أن معظم الفنانين اللي بيبدأو تمثيل، وهم صغيرين وبيقضو عمرهم من بدايته في التمثيل مبيتطلبوش لما يكبروا، فكنت عاوز أسيبهم لحد ما يخلصوا جامعة، ومكنتش عاوزهم يظهروا في فترة المراهقة، بس لما كنا في الجيم ياسر جلال، فضل يزن عليا وقالي عاوز ليلى تعمل دور بنتي في مسلسل الفتوة وأقنعها تمثل معاه، بس الدور كان دورها بصراحة”، وعن ملك، قال: “ملك معايا بنصور مسلسل لؤلؤ، مع الفنانة مي عمر، وليها دور حلو إن شاء الله”.

وقالت ليلى، عن مسلسل الفتوة: “كان عالم قديم جدا عليا، مشوفتش ولا اتفرجت على حاجة زي كده، بس بابا ساعدني وقالي حاجات كتير، وماما كانت بتقعد معايا على الورق فترة طويلة لولا بابا وماما مكنتش هعرف اعمل حاجة، وأصعب مشاهد المشاهد اللي مات فيه بابا وجدتي”، وعلق أحمد زاهر عن دور ليلى، في الفتوة: ” اتخضيت منها وشهادتي مجروحة عشان هي بنتي، بس أكتر مشهد أشعرتني فيه لما قالولها أن أبوها مات، مقالتش حاجة بس ريأكشنها أشعرني.. عيني دمعت.

وقالت ملك عن دورها في مسلسل لؤلؤ: “الأستاذ محمد سامي، رشحني، الدور مش كبير بس أكيد هيكون مهم بالنسبالي، وهو من إخراج محمد عبد السلام، وإنتاج سينرجي، ويشارك فيه مي عمر، إدوارد، أحمد زاهر، محمد شرنوبي، سلوى عثمان، أحمد مجدي”.

وعن علاقة أحمد زاهر وزوجته ببناتهما قالت هدى: “اتفقت مع أحمد أننا عندنا بنات مش ولاد.. ولازم نكون أصحاب، ولو مبقناش أصحاب العقد هينفرط مننا، وأجمل صحاب لينا في الدنيا هم بناتنا”، فيما قال أحمد زاهر :”باتبسط اوي لما بنقعد مع بعض وليلى بتقولي آراء حلوة ووجهات نظر مقنعة.. وليلى بتعملي أحلى بسبوسة”.